1. ബോണസ് - ബോണസ് നീക്കിവയ്ക്കപ്പെട്ട വേതനമെന്ന നിലയില് പ്രഖ്യാപിക്കണമെന്നും, സര്ക്കാര് ജീവനക്കാരടക്കം എല്ലാവര്ക്കും ഇത് ബാധകമാക്കണമെന്നും ആദ്യമായി ആവശ്യപ്പെട്ട് പ്രക്ഷോഭണം നടത്തിയത് മസ്ദൂര് സംഘമാണ്. ചുരുങ്ങിയ ബോണസ് 12.5% മാക്കണം.
2. ഏറ്റവും കുറഞ്ഞതും ഏറ്റവും കൂടിയതുമായ വരുമാനങ്ങളുടെ അനുപാതം 1:10 എന്നതായിരിക്കണം. കൂടിയ വരുമാനം കണക്കാക്കുന്നത് സ്ഥിരം ശമ്പളക്കാരുടേതല്ല; ബിസിനസ്സുകാരുടെയും മറ്റുവിധത്തിലുള്ള സ്വത്തുള്ളവരുടെയും വരുമാനം കണക്കിലെടുക്കണം.
3. ലോകത്തുള്ള സ്വത്തു മുഴുവനും ദൈവത്തിന്റേതാണ്. ആ സ്വത്ത് വര്ദ്ധിപ്പിക്കുവാനായി ഓരോ പുരുഷനും സ്ത്രീയും പ്രവര്ത്തിക്കുകയും, അവനവന് നീക്കിവച്ചതായ അംശം മാത്രം പ്രസാദമായി സ്വീകരിക്കുകയും വേണം.
4. മനുഷ്യന് വെറും സാമ്പത്തിക ജീവിയാണെന്ന മാര്ക്സിയന് വാദത്തെ തിരസ്കരിക്കുന്നു. അത് ഭൗതികവാദമാണ്. നമ്മുടെ നാട്ടിലും ഭൗതികവാദമുണ്ടായിരുന്നു. പക്ഷെ അതിന്റെ പൊള്ളത്തരം മനസ്സിലാക്കി നാം തിരസ്കരിച്ചു. പാശ്ചാത്യ നാടുകളിലും ഭൗതികവാദം പ്രബലമല്ല. ക്രിസ്തുവും, മുഹമ്മദ് നബിയും ജീവാര്പ്പണം നടത്തിയത് ഭൗതികത്തിനല്ല. ഭൗതികത്തിനുമുപരി ചിലതൊക്കെ പ്രപഞ്ചത്തിലുണ്ടെന്ന് നാം മനസ്സിലാക്കണം.
5. മാതൃകാ തൊഴില് ബന്ധം:
"ഭൃത്യ: സഏവ സുശ്ലോകോ നാപത്തൗ സ്വാമിനം ത്യജേത്
സ്വാമിസഏവ വിജ്ഞേയോ ഭൃത്യര്ത്ഥം ജീവിതം ത്യജേത്"
- ശുക്രാചാര്യന്
തന്റെ യജമാനനെ ആപത്തുകാലത്തു പോലും കൈവിടാത്തവനാണ് മാതൃകാ തൊഴിലാളി; തൊഴിലാളി താല്പര്യ സംരക്ഷണത്തിന് മാതൃകാ യജമാനന് ജീവന് പോലും ത്യജിക്കാന് തയ്യാറാകണം.
"യേ ഭൃത്യാ ഹീന ഭൃതികാ ശത്രവസ്തേ സ്വയംകൃതാ:
പരസ്യ സാധകാ സ്തേതു ഛിദ്രകോശ പ്രജാഹരാ:
വാക് പാരു ഷ്യാത് ന്യൂന വൃത്ത്യാ സ്വാമി പ്രബല ദണ്ഡത:
ഭൃത്യം പ്രശിക്ഷയേന്നിത്യം ശത്രുത്വം ത്വപ മാനത:
ഭൃതി ദാനേന സന്തുഷ്ടാ: മാനേന പരിവര്ദ്ധിതാ:
സാം ത്വിതാ മൃദുവാചാ യേന ത്യജന്ത്യധിപം ഹിതേ
- ശുക്രനീതി
താണകൂലി, ഹീനമായ പെരുമാറ്റം, അപമാനിക്കലും ചീത്തപറയലും കനത്ത പിഴയോ ശിക്ഷയോ ചുമത്തല് ഇവയെല്ലാമാണ് തൊഴില് തര്ക്കത്തിനുള്ള ഹേതുക്കള്. ഇവയാണ് തൊഴിലാളികളെ ശത്രുക്കളാക്കി മാറ്റുന്നത്. മതിയായ കൂലികൊണ്ട് തൃപ്തിപ്പെടുകയും മാനത്തോടെയുള്ള ഉദ്യോഗക്കയറ്റം കിട്ടുകയും മൃതുവാക്കുകളാല് സാന്ത്വനിക്കപ്പെടുകയും ചെയ്താല് ഒരു തൊഴിലാളി ഒരിക്കലും വഞ്ചിക്കുകയില്ല.
